嘩嘩嘩! 實在太吸引太多谷友求食譜。
所以即打出來,成個過程需要約三個半鐘,
有時間先整到。
材料: 金寶忌廉蘑菇湯一罐,
切片蘑菇一罐用熱水沖洗備用,
洋蔥半個切絲,蒜蓉和乾蔥蓉各少許,
煙肉兩片切碎,淡忌廉半碗,
雞脾肉走皮走肥切一舊舊。
醮料: 雞汁一湯匙,鹽半茶匙,糖一茶匙,
美極一茶匙,生粉一茶匙,油半茶匙,
( 醮半小時左右)
做法:先預早炒雞但只需煎熟表面就可以備用。
炒香洋蔥加煙肉碎略炒加忌廉湯湯和
蘑菇,再加淡忌廉後將雞肉回鑊,
請不要將雞肉汁倒入鑊內熄火攤凍備用。
包材料:
鮮奶200ml,牛油45g,鹽5g,
蛋一隻,糖4g, 高筋粉400g,
酵母4g,我用法式程式因為攪拌較耐.
我會約兩小時左右測試麵團效果,如果插手指內唔會彈回,我就拿出來排氣,卷好後等十五分鐘鬆弛後,用木棍壓麵團，用牛油紙摺成盒子將雞倒入裏面後放多一張牛油紙封口,將麵團包好雞肉,面搽蛋液,再等十五分鐘,放入焗爐焗約半小時,因為我驚燶面好長時間只用下火,所以焗的時間較耐。
Search